უკრაინის საიმიგრაციო სამსახური და პოლიცია დავით სააკაშვილს დეპორტაციისთვის ამზადებენ, - ამის შესახებ უკრაინის შს მინისტრის ყოფილმა მრჩეველმა ილია კივამ უკრაინულ ტელეარხს 112-ს განუცხადა.
მისი თქმით, სააკაშვილი უკრაინაში ყოფნის რეჟიმის დარღვევის გამო დააკავეს.
„მიხეილ სააკაშვილის ძმა დაკავებულია უკრაინაში ყოფნის რეჟიმის დარღვევის გამო. საიმიგრაციო სამსახური და პოლიცია მას დეპორტაციისთვის ამზადებენ“, - განაცხადა ილია კივამ.
