მერიის ყოფილი მაღალჩინოსნის, ოთარ აბესაძის ადვოკატი, ირმა ჭკადუა აცხადებს, რომ მოსამართლემ ოთარ აბესაძე პატიმრობაში დაუსაბუთებლად დატოვა.
”მოსამართლემ აბესაძეს აღაკვეთის ღონისძიება, პატიმრობა, გირაოთი არ შეუცვალა, რაც აბსოლუტურად დაუსაბუთებელია. მოსამართლემ თქვა, რომ აბესაძემ შესაძლოა მოწმეებზე მოახდინოს ზემოქმედება და მიიმალოსო. მოსამართლეც და პროკურორიც ვალდებული არიან, აღნიშნული არგუმენტები მტკიცებულებებით გააჯერონ. წინა პირობა უნდა არსებობდეს იმისა, რომ წარსულში აბესაძეს მოწმეებზე ზემოქმედების, ან მიმალვის მცდელობა ჰქონდა. არცერთი წარმოდგენილი არგუმენტი სასამართლოში მტკიებულებებით არ იყო გაჯერებული”, - აცხადებს ”ჯი-ეიჩ-ენ-თან” ირმა ჭკადუა.
რაც შეეხება ბრალდებულ აბესაძის მოლოდინს დღევანდელ სასამართლო პროცესთან დაკავშირებით, როგორც ჭკადუა აცხადებს, ბრალდებულს განსაკუთრებული მოლოდინი არ ჰქონია.
”ვეუბნებოდით, რომ შესაძლებელი იყო, ეს შედეგი დამდგარიყო”,- აცხადებს ჭკადუა.
შეგახსენებთ, ოთარ აბესაძე ქრთამის აღების ფაქტზე 12 ივლისს დააკავეს.
