„თეთრი ხმაურის მოძრაობის“ წევრის, ბექა წიქარიშვილის საქმეზე მოსამართლე განაჩენს ხვალ გამოაცხადებს. წიქარიშვილის საქმეზე განაჩენი მოსამართლეს დღეს, 17:00 საათზე უნდა გამოეცხადებინა თუმცა, ის ხვალისთვის გადაიდო.
„რადგან ჩემი საქმე არასაპატიმრო ღონისძიებას ითვალისწინებს, ხვალისთვის გადაიდო. მოსამართლეს 2 საპატიმრო საქმე ჰქონდა განსახილველი, ამიტომ პრიორიტეტი იმ საქმეებს მიენიჭა. ხვალ, 12-ის ნახევარზე ჩემი განაჩენი გამოცხადდება“, - აცხადებს „ჯი-ეიჩ-ენ-თან“ საუბარში ბექა წიქარიშვილი.
შეგახსენებთ, რომ ბექა წიქარიშვილი ნარკოდანაშაულის ბრალდებით 2013 წელს დააკავეს. ის 10 ათას ლარიანი გირაოთი გაათავისუფლეს. ამის შემდეგ, მან საკონსტიტუციო სასამართლოს მიმართა გაუქმებულიყო ის სანქცია, რომელიც 70 გრამამდე მშრალი მარიხუანის მოხმარებაზე 7-დან 14-წლამდე თავისუფლების აღკვეთას ეხებოდა. საკონსტიტუციო სასამართლომ 2015 წელს ეს ნორმა გააუქმა. ერთი თვის წინ კი, კანონში შეტანილი ცვლილებებით, ამ მუხლის დარღვევისთვის სანქციად ჯარიმა განისაზღვრა.
