22 აგვისტოს, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის იმერეთისა და რაჭა–ლეჩხუმის განყოფილების ოფიცრებმა, საქართველოს გარემოსა და ბუნებრივი რესურსების დაცვის სამინისტროს გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებთან ერთად, სოფელ ღვედის ტერიტორიაზე, საქართველოს მოქალაქე, ფ.ჟ.-ს მართვის ქვეშ არსებული ავტომობილის (რომელიც შენიღბული იყო, როგორც სასწრაფო სამედიცინო დახმარებისთვის განკუთვნილი სატრანსპორტო საშუალება) გადამოწმების შედეგად, დაახლოებით 3 მ3 დახერხილი ხე-მასალის ელექტრონული ზედნადების გარეშე ტრანსპორტირების ფაქტი გამოავლინეს.
საქართველოს საგადასახადო კოდექსის 286–ე მუხლის შესაბამისად, მოქალაქეს სასაქონლო ზედნადების გარეშე ტრანსპორტირებული საქონელი, როგორც სახელმწიფო საკუთრებაში არსებული ხე-მასალა, ჩამოერთვა და ფინანსთა სამინისტროს მომსახურების სააგენტოს ტერიტორიაზე განთავსდა.
