არსებული ინფორმაციით, ჭონქაძის ქუჩაზე მომხდარი მკვლელობა გახსნილია და სამართალდამცავებმა ბრალდებული უკლებას ქუჩაზე დააკავეს. აღნიშნული ინფორმაცია „ჯი-ეიჩ-ენ-მა“ შინაგან საქმეთა სამინისტროში გადაამოწმა, თუმცა, უწყებაში ამ ეტაპზე დამატებითი კომენტარის გაკეთებისგან თავს იკავებენ.
შეგახსენებთ, რომ 45 წლის კახა ძნელაძე გუშინ, მთაწმინდაზე, ვილნიუსის სკვერში მოკლეს. იქ ბავშვებისთვის განკუთვნილი ზონაა და საცხოვრებელი კორპუსებია განთავსებული. არსებული ინფორმაციით, სხვადასხვა ობიექტებიდან ვიდეოსათვალთვალო კამერების ჩანაწერები ამოიღეს და მოქალაქეები გამოკითხეს. გამოძიება სსკ-ს 108-ე და 236-ე მუხლებით მიმდინარეობს, რაც განზრახ მკვლელობას და იარაღის უკანონო შეძენა-შენახვას გულისხმობს.
