ბათუმში ნაპოვნი გარდაცვლილი ახალგაზრდები, სავარაუდოდ მოკლულები არიან. გავრცელებული ინფორმაციით, ერთ-ერთის ცხედარს წამების და ძალადობის კვალი აღენიშნება. ადგილობრივების განცხადებით, მას ყელი აქვს გამოჭრილი და ორივე თვალის არეში დაზიანებები აღენიშნება.
შეგახსენებთ, რომ ორ ახალგაზრდა მამაკაცს ოჯახის წევრები რამდენიმე დღის განმავლობაში ეძებდნენ. ისინი ბათუმში, ხიმშიაშვილის ქუჩაზე, ერთ-ერთი საცხოვრებელი კორპუსის ბინაში გარდაცვლილები იპოვეს. როგორც ცნობილია, ახალგაზრდები ბათუმში დასასვენებლად იმყოფებოდნენ.
