ქარელში, სავარაუდოდ, ეჭვიანობის ნიადაგზე 50-წლამდე ქალი 45 წლის ქალს თავს დაესხა. ამის შესახებ ინფორმაციას ტელეკომპანია "იბერია" ავრცელებს.
დაზარალებულის თქმით, მისთვის უცნობი პირი ე.წ. სუფრის დანით მასთან მივარდა და 30-მდე ჭრილობა, სახეზე, კიდურებსა და ტანზე მიაყენა.
"ქალი მოვარდა დანით ხელში. სულ დამსერა მთელს სხეულზე. მეზობლებს, რომ არ გადავერჩინე ალბათ მომკლავდა", - აღნიშნავს დაზარალებული.
ქარელის საავადმყოფოდან დაზარალებული პირველადი სამედიცინო დახმარების გაწევის შემდეგ თავისი სურვილით სახლში წავიდა.
მომხდარზე გამოძიება 118-ე მუხლით დაიწყო, რაც სხეულის განზრახ დაზიანებას გულისხმობს. უწყების ინფორმაციით, მომხდარზე აქტიური საგამოძიერბო მოქმედებებიმი მიმდინარეობს.
