ბათუმის მოვლენებთან დაკავშირებულ საქმეზე ბრალდებულები, ირაკლი ჩხვირკია და მერაბ ღოღობერიძე ბათუმის საქალაქო სასამართლოს მოსამართლის, დავით მამისეიშვილის გადაწყვეტილებით პატიმრობაში რჩებიან.
მოსამართლემ დაცვის მხარის შუამდგომლობა, დაკავებულებისთვის აღკვეთის ღონისძიების შეცვლასთან დაკავშირებით არ დააკმაყოფილა.
დღევანდელ სხდომაზე ბრალდებული მერაბ ღოღობერიძე სასწრაფო დახმარების ბრიგადამ ჯანმრთელობის ცენტრ "მედინაში" გადაიყვანა, სადაც მას, არსებული ინფორმაციით, ოპერაცია ჩაუტარდება.
პროკურორები მიიჩნევენ, რომ მერაბ ღოღობერიძე სასამართლო პროცესების ჩატარებას მიზანმიმართულად აჭიანურებს, რადგან საქმის განხილვა არ მოხდეს.
მოსამართლის გადაწყვეტილებით, მომდევნო სხდომა 12 სექტემბერს, 11:00 საათზე განახლდება.
