,,ნაციონალური მოძრაობა“ გენერალურ აუდიტს სასამართლო სისტემაში არსებული მდგომარეობის შესწავლას სთხოვს. შესაბამისი განცხადებით ოპოზიციური პარტია უწყებას დღეს მიმართავს.
ლევან ხაბეიშვილის თქმით, სასამართლო სისტემაში საბიუჯეტო თანხა არამიზნობრივად იხარჯება. პარტიაში ამტკიცებენ, რომ ლევან მურუსიძემ სახელმწიფოს ხარჯზე ახალ მანქანაში 55 ათასი ლარი გადაიხადა, მაშინ როცა გასულ წელს, დაახლოებით ანალოგიური თანხის 2 მანქანა ჰქონდა ნაყიდი. ასევე მიმდინარე წელს უზენაესი სასამართლოს მოსამართლეებისთვის 216 ათასი ლარის ღირებულების ავტომობილები შეიძინეს.
„ლევან მურუსიძემ ზუსტად ერთი წლის წინ ორი ავტომობილი შეიძინა უმაღლესი საბჭოსთვის 100 ათას ლარად ღირებული. დღეს მან უკვე 55 ათას ლარად ღირებული ჰიუნდაი ტუქსონის ჯიპი იყიდა ბიუჯეტის ხარჯზე. შესაბამისად, ჩნდება კონკრეტული კითხვები, რატომ გამოცვალა 2005 წლის ჯიპი, რომელიც ასევე ბიუჯეტის ხარჯზე შეიძინა, ახალი, 2016 წლიანი ავტომობილით. ჩვენ გვაქვს ლეგიტიმური საფუძველი იმისა, რომ ვიფიქროთ, რომ ფაქტობრივად ხდება საბიუჯეტო სახსრების გაფლანგვა,“ - განაცხადა,,რუსთვი 2“- თან ხაბეიშვილმა.
