ანაკლიაში დაკავებულ „თეთრი ხმაურის“ მოძრაობის წევრს ბაქარ კორშიას სამართალდამცველებმა ბრალი სისხლის სამართლის კოდექსის მე-60 მუხლით წარუდგინეს, რაც განსაკუთრებით დიდი ოდენობით ნარკოტიკული საშუალების შეძენა-შენახვას გულისხმობს.
შინაგან საქმეთა სამინისტროს ინფორმაციით, გამოკითხვის ოქმში კორშია აღიარებს, რომ მას კლუბური ნარკოტიკი ჰქონდა.
„ბაქარ კორშია ანაკლიაში შსს სამეგრელო-ზემო სვანეთის სამხარეო პოლიციის მთავარი სამმართველოს თანამშრომლებმა დააკავეს. წინასწარი დაკავების იზოლატორში მას საია-ს ზუგდიდის ოფისის ხელმძღვანელი შეხვდა, რომელმაც არ დაადასტურა დაკავებულის ფიზიკური დაზიანების ფაქტი.
საია-ს წარმომადგენლის ინფორმაციით, გამოკითხვის ოქმში კორშია აღიარებს, რომ მას კლუბური ნარკოტიკი ჰქონდა. დაკავებულს მარიხუანას მოხმარებაც დაუდგინდა“, - აღნიშნულია შსს-ს მიერ გავრცელებულ ინფორმაციაში.
ცნობისთვის, ჯემ ფესტის მიმდებარე ტერიტორიაზე „თეთრი ხმაურის“ მოძრაობის ერთ-ერთი მხარდამჭერი ბაქარ ყორშია 2 აგვისტოს დააკავეს.
