სურსათის ეროვნულმა სააგენტომ უფასო სასადილოების შემოწმებისას გამოვლენილი შეუსაბამობების გამო, 5 საწარმოს პროცესი შეუჩერა და 2 დააჯარიმა. ამის შესახებ ინფორმაციას საზოგადოებრივი მაუწყებელი ავრცელებს.
„ახალი საქართველოს“ ლიდერის გიორგი ვაშაძის განცხადებით, სასადილოები მას შემდეგ შეამოწმეს, რაც მათ უფასო სასადილოების კომპლექსური შემოწმება დაიწყეს.
ბრალდებას სურსათის ეროვნული სააგენტოს წარმომადგენლებმა უპასუხეს. მათი განმარტებით, შემოწმება სახელმწიფო კონტროლის ფარგლებში მუდმივ რეჟიმში მიმდინარეობს. გარდა ამისა ყოველწლიურად ტარდება დოკუმენტური შემოწმება და ინსპექტირებაც.
„სურსათის ეროვნული სააგენტო ინტენსიურად ამოწმებს უფასო სასადილოების კვების ბლოკებს. შემოწმება სახელმწიფო კონტროლის პროგრამის ფარგლებში ყოველწლიურად ტარდება. წარმოდგენილი კომპანიებიდან რამდენიმე შარშანაც დაჯარიმდა სააგენტოს მიერ“, - აღნიშნეს სურსათის ეროვნულ სააგენტოში.
