„არაფრისმომცემი და უშინაარსო ხასიათის წერილობითი მტკიებულებების გამოკვლევა მიმდინარეობდა. ახლა ელექტრონული მტკიცებულებების, ფარული სატელეფონო მიყურადებების, ფარული აუდიო-ვიდეო ჩანაწერების გამოკვლევაზე გადავედით“ - განუცხადა „ჯი-ეიჩ-ენ-ს“ დეკანოზ გიორგი მამალაძის ადვოკატმა, პაატა მეხრიშვილმა.
ე.წ. ციანიდის საქმის ერთ-ერთი პროკურორის, ზვიად გუბელაძის განცხადებით, გამოკვლევებით დადასტურდა, რომ ბრალდებულმა გიორგი მამალაძემ ნამდვილად სცადა შორენა თეთრუაშვილის მკვლელობა, რასაც „ჯი-ეიჩ-ენ-თან“ საუარში დეკანოზის ადვოკატი, პაატა მეხრიშვილი უაყოფს.
„დღევანდელ პროცესზე საერთდ არაფერი დადასტურებულა. წერილობითი მტკიცებულებების გამოკვლვის პროცესი დასრულდა, რომელიც აბსოლუტურად არაფრის შემცველი იყო. ამ მტკიცებულებებს ის ფასიც კი არ აქვს, რა ქაღალდზეცაა დაბეჭდილი“, - აცხადებს ადვოკატი.
რაც შეეხება ფრაზას, რომელსაც ბრალდება ეყრდნობა და შორენა თეთრუაშვილის „მარილზე გაშვებას“ ეხება, როგორც ადვოკატი განმარტავს ეს ბერი გაბრიელის წინასწარმატყველებიდანაა.
„იმ ფარულ აუდიო და ვიდეო ჩანაწერში, სადაც შორენას მარილზე გაშვებაზეა საუბარი, მამალაძე დეკანოზს ეკითხება თუ რას გულისხმობდა მის მარილზე გაშვებაში. მამლაძე მას პასუხობს, რომ ბერი გაბრიელის წინასწარმეტყველებას გულისხმობს, რომელიც შორენა თეთრუაშვილს უწინასწარმეტყველებს, რომ ის პატრიაქრის გარდაცვალებამდე ჭკუიდან შეიშლება, საპატრიაქროს წრებს დაარტყამს და შიგნით არ შეუშვებენ. სწორედ ასე გრძელდება ჩანაწერი, რომელიც საზოგადოებამ იმის გამო ვერ მოისმინა, რომ კონტექსტიდანაა ამგლეჯილი“, - აცხადებს მეხრიშვილი.
გარდა ამ მტკიცებულებებისა, დღევანდელ პროცესზე სხვა სახის მტკიებულებების გამოკვლევაც მიმდინარეობდა.
„მამა გიორგიმ გამგზავრებადე ბანკში სესხი აიღო, ამ სესხის დამადასტურებელი მტკიცებულებების გამოკვლევაც მიმდინარეობდა, რომელსაც ბრალთან კავშირი აბსოლუტურად არ აქვს. ეძებდნენ, სხვა ბანკში ჰქონდა თუ არა მამა გიორგის ანარიშები. მას არსად არაფერი ერიცხებოდა“, - განაცხადა დეკანოზის ადვოკატმა.
სავარაუდოდ, დღეს ბრალდების მხარე მტკიცებულებების გამოკვლევას დაასრულებს. მომდევნო კვირაში დაცვის მხარის მტკიცებულებების გამოკვლევა დაიწყება.
