დიდუბის რაიონის გამგებლის, ირმა ზავრადაშვილის განაცხადებით, დიდუბეში, იტალიური ეზოს საცხოვრებელი კორპუსის დემონტაჟის სამუშაოებს კერძო კომპანია Royal Group ასრულებდა.
მისივე თქმით, კომპანია გაფრთხილებული იყო, რომ საცხოვრებელი კორპუსის დემონტაჟისას უსაფრთხოების ზომები დაეცვა.
„კერძო კომპანია გაფრთხილებული იყო, რომ დაეცვა უსაფრთხოების ზომები. ორშაბათსაც გავაფრთხილეთ, თუმცა გარდაცვლილია ერთი ადამიანი და დაშავდა სამი. გარდაცვლილი წალენჯიხიდან არის. გამოძიება მიმდინარეობს“, - განაცხადა გამგებელმა.
შეგახსენებთ, რომ დიდუბეში, სოხუმის ქუჩაზე შენობის დემონტაჟისას ერთი მუშა გარდაიცვალა და რამდენიმე დაშავდა.
შემთხვევა იტალიურ ეზოში ავარიული კორპუსის კედელი ჩამოიშლის შემდეგ მოხდა.
დაშავებულთაგან ორი ალადაშვილის სახელობის კლინიკაში, ერთ-მიხაილოვის საავადმყოფოში გადაიყვანეს.
მომხდარზე გამოძიება სისხლის სამართლის კოდექსის 240-ე მუხლის მეორე ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც გამოიწვია ადამიანის სიცოცხლის მოსპობა ან სხვა მძიმე შედეგი.
