უპირველესად მმართველმა პოლიტიკურმა ძალამ, მაგრამ ამავე დროს ოპოზიციურმა პარტიებმა, უნდა მოძებნონ დიალოგის და შეთანხმებია რესურსი, - ამის შესახებ საიას ხელმძღვანელმა ანა ნაცვილიშვილმა პრემიერ- მინისტრის განცხადების შეფასებისას განაცხადა, რომლის თანახმადაც, საკონსტიტუციო ცვლილებებზე მმართველი გუნდის მხრიდან ,,რაღაც დონის კომპრომისი იქნება”.
ნაცვლიშვილის განცხადებით, არასამთავრობო სექტორი მზად არის ხელისუფლებასა და ოპოზიციას შორის მედიატორის როლი შეასრულოს.
„ამ სიტუაციაში ყველამ, უპირველესად მმართველმა პოლიტიკურმა ძალამ, მაგრამ ამავე დროს ოპოზიციურმა პარტიებმა, უნდა მოძებნონ დიალოგის და შეთანხმებია რესურსი. ჩვენ ყველანაირად შევეცდებით, რომ ამ რესურსის მოძებნას შევუწყოთ ხელი, მაგრამ საბოლოოდ, კომპრომისი უნდა შედგეს ამ ძალებს შორის. ერთ-ერთი უმნიშვნელოვანესი საკითხი შეეხება არჩევნების პროპორციულ სისტემას, რომელზე გადასვლაც არ შეიძლება იყოს გადავადებული. ძალიან მნიშვნელოვანია, პრინციპულ საკითხებზე ხელისუფლება წამოვიდეს დათმობაზე, მაგრამ ასევე მნიშვნელოვანია, რომ ოპოზიციამაც აჩვენოს დიალოგისა და კონსენსუსის რესურსი“, - განაცხადა ანა ნაცვლიშვილმა.
