ელიავას ბაზრობაზე ხანძრის შედეგად დამწვარი შენობის მეპატრონეები თბილისის ვიცე-მერს ლაშა აბაშიძესთან შეხვედრას ხვალ, 13:00 საათზე გამართავენ.
არსებული ინფორმაციით, შენობის მეპატრონეები ვიცე-მერს ინფორმაციას მიაწვდიან დაზარალებული პირების, დაზიანებული და განადგურებული საქონლის რაოდენობისა და დაზღვეული და დაუზღვეველი მეწარმეების შესახებ.
შეგახსენებთ, შეხვედრა თბილისის ვიცე-მერთან დღეს უნდა გამართულიყო, თუმცა ვინაიდან შენობაში ექსპერტ-კრიმინალისტების მუშაობა დიდხანს გაგრძელდა და სპეციალურად შექმნილმა კომისიამ ტერიტორიის სრულად დათვალიერება დრულად ვერ დაასრულა, აღნიშნული შეხვედრა გადაიდო.
