მსოფლიოს მასშტაბით ყველაზე დაბალფასიანი ფრენების რეიტინგში პირველ ადგილზე მალაიზიაა. აღნიშნულ დასკვნამდე ტურისტული პორტალი Kiwi.com მივიდა.
ირკვევა, რომ შიდა და საერთაშორისო რეისებზე 100 კმ-იან მანძილზე ფრენის საშუალო ღირებულება 4,18 დოლარია. მეორე ადგილზეა ბულგარეთი, სადაც იგივე მანძილის დაფარვის საშუალო ტარიფი 4,65 დოლარია.
ამ მხრივ „შესანიშნავ სამეულშია“ ინდოეთიც, სადაც 100 კმ მანძილის დაფარვის საშუალო ღირებულება 4,96 დოლარია.
მეოთხე ადგილზეა თურქეთი, სადაც ფრენის საშუალო ფასი 6,28 დოლარს შეადგენს. Kiwi.com-ის რეიტინგში კი მეხუთე ადგილზე რუმინეთია - 6,46 დოლარი.
რეიტინგი სულ 80 ქვეყნის მონაცემებს აერთიანებს.
როგორც ირკვევა, ქვეყანა სადაც ფრენა საკმაოდ ძვირია ეს ბელგიაა. ამ ევროპულ ქვეყანაში 100 კმ-ი საჰაერო მანძილის დაფარვის საშუალო ტარიფი 54,63 დოლკარია.
Kiwi.com-მა მსგავსი რეიტინგი უკვე მეორედ გამოაქვეყნა.
