ხვალ საქართველოს პრეზიდენტი პარლამენტის წინაშე ყოველწლიური ანგარიშით წარსდგება. ის უკვე ჩავიდა ქუთაისში და ადგილობრივებთან შეხვედრა გამართა, რათა მათი სათქმელიც გააჟღეროს სიტყვით გამოსვლისას.
პრეზიდენტთან შესახვედრად ემზადება უმრავლესობა და მმართველი გუნდი. მათი თქმით, პასუხს გასცემენ ყველა იმ ბრალდებას, რომელიც ხელისუფლების მისამართით ჟღერდება.
დებატებისთვის ემზადებიან ოპოზიციურ ფრაქციებშიც, „ნაციონალური მოძრაობა“ და „ევროპული საქართველოც“ მთავრობისთვის მთელი რიგი პრობლემური საკითხების შესახებ გეგმავს კითხვების დასმას.
