ერთიანი ნაციონალური მოძრაობის დეპუტატ სალომე სამადაშვილის განცხადებით, გაზპრომი კრემლის გავლენის ინსტრუმენტია და სწორედ ამიტომ, საზოგადოებამ უნდა იცოდეს ხელშეკრულების დეტალები.
"გაზპრომი ესაა პოლიტიკური ზეგავლენის ინსტრუმენტი რუსეთისთვის. პირველ რიგში, როდესაც გაზპრომის გავლენაზე ვმსჯელობთ, უნდა დაისვას შეკითხვა - არის თუ არა ქვეყნის არაფორმალური მმართველი ივანიშვილი გაზპრომის ყველაზე მსხვილი აქციონერი?! რაზეც არაერთხელ დაწერილა.
ჩემთვის გასაოცარია, როდესაც უმრავლესობის დეპუტატები, რომლებთაც მანდატი ამომრჩევლებმა სახელმწიფო ინტერესები დაცვისთვის მისცეს, თვალით უნახავ ხელშეკრულებაზე, რომელიც შესაძლოა გრძელვადიანი საფრთხის შემცველი იყოს, დარწმუნებით საუბრობენ. ნუ ატყუებთ საზოგოადებას, რომ ეს ხელშეკრულება კომერციული საიდუმლოს ინტერესებითაა დაცული.გაზპრომი არის პირდაპირ კრემლის გავლენის ინსტრუმენტი და ჩვენ გვაქვს უფლება ვიცოდეთ რაზე შეთანმხდა ეს კომპანია და დღევანდელი ხელისუფლება."
