სოფელ ართანის მცხოვრებლები ,,ართანაჰესის“ მშენებლობას აპროტესტებენ. თელავის საკრებულოში დღეს აღნიშნული საკითხის საჯარო განხილვა მიმდინარეობდა, სადაც მოსახლეობამ ჰესის მშენებლობაზე უარი განაცხადა და ამის მიზეზად ეკოლოგიური კატასტროფა დაასახელა.
კომპანიის წარმომადგენლები მოსახლეობის პოზიციას არ იზიარებენ. აცხადებენ, რომ ჰესის შენებლობის პარალელურად დაგეგმილია სხვადასხვა პროექტების განხორციელება, რომელიც სოფლად მნიშვნელოვან ინფრასტრუქტურის განვითარებას ითვალისწინეს.
კომპანია პირობას დებს, რომ ჰესის მშენებლობის შემთხვევაში მოხდება სოფელში ახალი ამბულატორიის აშენება, სანიაღვრე არხების მოწყობა და ათობით ადგილობრივების დასაქმება.
საჯარო განხილვამდე სოფელ ართანის მოსახლეობამ აქცია გამგეობის შენობის წინ გამართა. ელექტროჰესის მშენებლობას შპს "ართანა ლოპოტა" ხელმძღვანელობს. პროექტის ხანგძლივობა 24 თვეა და მისი განხორციელება უახლოეს პერიოდში იგეგმება.
