სტამბოლი ტიტების ფესტივალს მასპინძლობს. თურქეთის კულტურულ-ტურისტულ დედაქალაქში ტიტების XII საერთაშორისო ფესტივალი აპრილის განმავლობაში იმარტება და მისი მხარდამჟერი ავიაკომპანია Turkish Airlines-ია.
ერთი თვის განმავლობაში სტამბოლი ყვავილების დედაქალაქადაც იქცევა.
ბევრისთვის ტიტა გაზაფხულის მოსვლასთან და ბუნების გაღვიძებასთან ასოცირდება.
თითქმის მთელი აპრილის განმავლობაში, სტამბულში ჩასულ სტუმრებს შეუძლიათ დატკბნენ ამ ულამაზესი სანახაობით და რაც მთავარია სრულიად უფასოდ.
ქალაქის მთავარ მოედნებზე უკვე 2 მილიონი ტიტაა განთავსებული.მეყვავილეები აქტიურად მუშაობენ და ადგილზევე აწყობენ კომპოზიციებს სხვადასხვა ფერის ყვავილებიდან. ფესტივალზე 200 სხვადასხვა სახეობის ტიტას წარმოადგენენ. მათი დიდი ნაწილი თურქეთშია გამოყვანილი. ფესტივალზე ასევე შესაძლებელი იქნება ტიტების ახალი ჯიშის ბოლქვების შეძენაც.
სპეციალისტები ამბობენ, რომ ქვეყანა სერიოზულ კონკურენციას უწევს ჰოლანდიას, რომელიც ტიტების გამოყვანის სფეროში მსოფლიო ცენტრად ითვლება.
ტიტების ფესტივალის წარმატებაში საკუთარი წვლილი შეაქვთ 250-მდე ტურისტულ სააგენტოს ახლი აღმოსავლეთიდან და სამხრეთ აფრიკიდან, რომლებიც სტამბოლში Turkish Airlines-ის მოწვევით იკრიბება.
