უკრაინული ავიაკომპანია Anda Air უახლოეს ხანებში საკუთარს ფლოტს კიდევ ორ თვითმფრინავს დაამატებს. აღნიშნულის შესახებ განცხადება Anda Air-ის გენერალურმა დირექტორმა სერგეი შამენკომ გააკეთა.
როგორც კომპანიის ხელმძღვანელი განმარტავს, ამ დროისათვის ავიაკომპანიის ანგარიშზე ორი ბორტია. „ვგეგმავთ, რომ ზაფხულის სეზონისთვის კიდევ ორი თვითმფრინავი დავიმატოთ“, განმარტა შამენკომ.
ავიაკომპანიას ამ დროისათვის McDonnell Douglas MD-83 თვითმფრინავები ჰყავს ექსპლუატაციაში.
Anda Air-ის გენერალური დირექტორი აცხადებს, რომ ავიაკოპანია გეგმავს ფრენებს გეგმავს საქართველოს, ბულგარეთის, ჩერნოგორიის, ალბანეთის მიმართულებით. სერგეი შამენკო არ გამორიცხავს, რომ კომპანიამ იორდანიის მიმართულებითაც შეასრულოს რეისები.
„შესაძლოა წელს დავამატოთ ასევე თურქეთის, უფრო კონკრეტულად ანტალიის მიმართულება“, აცხადებს სერგეი შამენკო.
