რუსეთის ფედერაციის ენერგეტიკის მინისტრის ალექსანდრ ნოვაკის განცხადებით, რუსეთმა შეამცირა ნავთობის მოპოვება.
კერძოდ, მინისტრის თქმით, ოპეკის შეთანხმების ფარგლებში რუსეთის ფედერაციამ 200 ათასი ბარელით/დღე-ღამეში შეამცირა ნავთობის მოპოვება.
როგორც ნოვაკმა აღნიშნა, მიმდინარე წლის იანვრისა და თებერვლის თვეებში ნავთობის მოპოვება შემცირდა სწრაფი ტემპებით. ხოლო აპრილის ბოლოს ქვეყანა შეამცირებს ნავთობის მოპოვებას 300 ათასი ბარელით/დღე-ღამეში.
როგორც ცნობილია, ოპეკის შეთანხმების თანახმად, მიმდინარე წლის 1 იანვრიდან რუსეთმა ვალდებულება აიღო შეამციროს ნავთობის მოპოვება 2,7%-ით 2016 წლის ოქტომბრის თვის მაჩვენებელთან შედარებით.
