თურქეთის ტურისტული სააგენტოების ასოციაცია (TURSAB), საარბიტრაჟო სასამართლოში მიღწეული წარმატების შემდეგ, რომლის საფუძველზეც ქვეყანაში Booking.com დაიბლოკება, გაჩერებას არ აპირებს და მორიგი ინიციატივით გამოდის.
როგორც თურქული მედია წერს, TURSAB თურქეთში სხვა მსგავსი სერვისების შეზღუდვასაც მოითხოვს, მათ შორისაა გერმანული Trivago და ამერიკული Tripadvisor.
TURSAB-ის გენერალური მდივნის განცხადებით, ის მიმართავს შესაბამის ორგანოებს, რათა სამართლებრივი გზით გაათავისუფლოს ტურისტული ბაზარი მონოპოლისტებისაგან.
TURSAB-ის გეგმების შესახებ, ასოციაციის გენერალური მდივნის ჩეთინ გიურჩიუნის (Çetin Gürcün) თურქულ ეკონომიკურ გამოცემა Dunya-თან საუბრის შემდეგ გახდა ცნობილი.
