საქართველოს პარლამენტის თავმჯდომარემ ჟურნალისტებთან ფარული საგამოძიებო მოქმედებების შესახებ საკონონმდებლო პაკეტი შეაფასა. მისი თქმით, პაკეტი ორ ლეგიტიმურ ინტერესს შორის ბალანსის დაცვას ემსახურება.
„ჩვენ ზუსტად იმიტომ მივიღეთ ეს პაკეტი ფარულის საგამოძიებო მოქმედებების შესახებ, რომ გვწამდა ამ პაკეტის სისწორის და ეს რეალურად ასეც არის. ერთი, რაც შეეხება საკონსტიტუციო სასამართლოს გადაწყვეტილებას, ჩვენ დარწმუნებული ვართ, რომ სრულად პასუხობს ამ გადაწყვეტილების შინაარსს ჩვენს მიერ დამტკიცებული პაკეტი. და მეორე, ძალიან მნიშვნელოვანია სწორი ბალანსის დაცვა ორ ლეგიტიმურ ინტერესს შორის - ეს არის სახელმწიფო უსაფრთხოების ინტერესი და ადამიანის უფლებები, მათი პირადი ცხოვრების ხელშეუხებლობა. სწორი ბალანსის დაცვა იყო საჭირო და ჩვენ ვფიქრობთ,რომ ის პაკეტი, რომელიც დამტკიცდა, სწორედ ამ ბალანსის დაცვას ემსახურება“,- განაცხადა ირაკლი კობახიძემ.
