უკრაინამ ევროკავშირისგან Ukraine Facility-ის პროგრამის ფარგლებში, 2.9 მილიარდი ევრო მიიღო. ამის შესახებ უკრაინის პრემიერ-მინისტრმა სერგეი კორეცკიმ განაცხადა.
მისი თქმით, თანხა უკვე გათვალისწინებული დაფინანსების ნაწილია და მისი მიღება შესაძლებელი გახდა მას შემდეგ, რაც უკრაინამ 2026 წლის პირველ და მეორე კვარტლებში, ასევე წინა პერიოდებში, პროგრამით გათვალისწინებული 10 ინდიკატორი შეასრულა.
ინდიკატორები საბანკო სექტორს, ენერგეტიკას, აგრარულ პოლიტიკას, ტრანსპორტსა და სხვა სფეროებს შეეხებოდა. მათგან სამი უკრაინამ ვადაზე ადრე შეასრულა.
„რთული ფინანსური ვითარების პირობებში ამ თანხებს გადამწყვეტი მნიშვნელობა აქვს სახელმწიფოს სტაბილურობისა და ძირითადი ხარჯების უზრუნველყოფისთვის. ეს ასევე გვაძლევს შესაძლებლობას, საკუთარი რესურსების უფრო დიდი ნაწილი თავდაცვისთვის მივმართოთ“, - წერს პრემიერ-მინისტრი.
კორეცკის განცხადებით, უკრაინის დაფინანსების საჭიროება კვლავ კრიტიკულად მაღალია. მისი თქმით, მთავრობა მაქსიმალურად აჩქარებს შესაბამისი გადაწყვეტილებების მიღებას და პარლამენტთან ერთად აუცილებელი კანონპროექტების მიღებაზე მუშაობს.
