„ნარმანია საცოდაობა, მერობა რომ ჰქვია, სამი წლის განმავლობაში არის ყველაზე უხერხული შოუ თბილისის არსებობის ისტორიაში. ვინ არ გვინახავს, დამპყრობელი ამირები, მონღოლები, მექრთამე მერი, უნიათო მაგრამ ასეთი, რაც არის ნარმანია, არაფერი არ უნახავს ამ ქალაქს,“-ეს განცხადება საკრებულოს წევრმა, ალეკო ელისაშვილმა "არჩევანის" ეთერში გააკეთა. მან მერია უნიათობაში დაადანაშაულა და ნატა ნაზღაიძის ძმისთვის ქონების გადაცემის საქმესაც შეეხო.
„ახალგაზრდა იურისტთა ასოციაციამაც" ზედმიწევნით დადასტურდა, რომ საქმე გვაქვს კორუფციულ სქემასთან. ერთი მილიონი და კიდევ უფრო მეტი ამოგვიღეს ყველას ჯიბიდან, როცა დასჭირდათ, ისე გააჩინეს ის მილიონი და ჩაუკუჭეს ადამიანს, რომელსაც არანაირად არ ეკუთვნოდა ის მიწის ნაკვეთი. ძალიან დაფაცურდნენ და მოინდომეს იმიტომ, რომ პოლიტიკური ინტერესი ჰქონდათ იმიტომ, რომ იმ მოსამართლის მოსყიდვა სჭირდებოდათ,“ - აცხადებს ალეკო ელისაშვილი.
მისი თქმით, დაგროვილი მთელი რიგი კითხვების გამო, თბილისის მერს საკრებულოში მისვლა ეშინია და თავს არიდებს მასზე დაკისრებულ ვალდებულებას.
