ბათუმში განვითარებულ მოვლენებთან დაკავშირებით ევროპული საქართველო განცხადებას აკეთებს.
„ჩვენ მიგვაჩნია, რომ ნებისმიერ სოლიდარობა ძალადობის და ვანდალიზმის, პოლიტიკური ჯგუფების მხრიდან, მხოლოდ და მხოლოდ აძლიერებს დღევანდელ უსუსურ და უპასუხისმგებლო ხელისუფლებას. რა თქმა უნდა, პოლიტიკური პასუხისმგებლობა მთავრობაზეა და რადგან ჩვენ გუშინ ვიხილეთ ხშირ შემთხვევაში უმოქმედობა, პრევენციული ზომების არგატარება და შემდეგ რიგ შემთხვევებში უვე ძალის გადამეტებაც,“ - განაცხადა გიგი უგულავამ.
მისი თქმით, ხალხის პროტესტის ერთერთი მიზეზი მძიმე სოციალური ფონია და ამაზე პასუხისმგებლობა ბიძინა ივანიშვილს ეკისრება.
„გუშინდელი ვანდალიზმის ერთ-ერთი მონაწილე არის ადგილობრივი სუს-ის დავალებების შემსრულებელი,“ - განაცხადა გიგი უგულავამ.
საპარლამენტო უმცირესობის ლიდერის მოადგილე, გიგა ბოკერია აცხადებს, რომ მიუხედავად მიზეზებისა, მსგავსი ვანდალური და ძალადობრივი ფაქტები თითოეული ადამიანის სიცოცხლეს და ქვეყანას საფრთხეს უქმნის.
„ასევე სპეციფიურად აზიანებს და ასუსტებს ხელისუფლების წინააღმდეგ მშვიდობიანი პროტესტის გამოყენების უფლება, ამ ტრადიციას და ხელს აძლევს ისეთ უპასუხისმგებლო ხელისუფლებას, რომელიც ჩვენ გვყავს,“ - განაცხადა გიგა ბოკერიამ.
