აჭარის ჯანდაცვის მინისტრის ზაალ მიქელაძის ინფორმაციით, წუხელ ბათუმის საავადმყოფოებში სულ 33 ადამიანი შეიყვანეს, მათ შორის, 15 პოლიციელი. მინისტრის თქმით, სამართალდამცავებს ძირითადად, ზედაპირული ტრავმები აღენიშნებათ, რომელიც ბლაგვი საგნით აქვთ მიყენებული.
ზაალ მიქელაძის ინფორმაციით, დაშავებულების უმეტესობა საავადმყოფოდან, შესაბამისი დახმარების გაწევის შემდეგ უკვე გაწერეს და სტაციონარში მხოლოდ ერთი ადამიანი რჩება, რომელსაც სავარაუდოდ, ტვინის შერყევა აღენიშნება.