ყატარში, პრეზიდენტ სააკაშვილის ვიზიტის ფარგლებში, ხელი მოეწერება დოკუმენტს, რომელიც ქართველ დიპლომატებს მისცემს შესაძლებლობას, ყატარში უვიზოდ ჩავიდნენ.
შემდეგ ეტაპზე იგეგმება სავიზო რეჟიმის გამარტივება მოქალაქეებისთვისაც. ასევე მიმდინარეობს მოლაპარაკებები ქვეყნებს შორის ეკონომიკური ურთიერთობების სამართლებრივი ბაზის მომზადებაზე, მათ შორის ორმაგი დაბეგვრის თავიდან აცილებისა და ინვესტიციების წახალისების შესახებ დოკუმენტის ხელმოწერაზე.
შეგახსენებთ, რომ საქართველოს პრეზიდენტის მიხეილ სააკაშვილის ოფიციალური ვიზიტით ყატარის სახელმწიფოში ხვალ დაიწყება. პრეზიდენტი ყატარს დღეს ეწვევა. საქართველოს პრეზიდენტისა და საქართველოს დელეგაციის ვიზიტი დოჰაში 3 ნოემბერს დაიწყება და სამი დღის განმავლობაში გაგრძელდება. მთავრობის წარმომადგენლების გარდა, სააკაშვილი შეხვდება პოტენციურ ინვესტორებსაც. შეხვედრისას საქართველოს პრეზიდენტი შეეცდება კატარელი ბიზნესმენები საქართველოში ინვესტიციის დაბანდებაზე დაითანხმოს.
შეგახსენებთ, რომ ყატარი მსოფლიოში ენერგორესურსების ერთ-ერთი უმსხვილესი ექსპორტიორია.