კახში, კულტურის სახლის განადგურების საქმეს აზერბაიჯანის შს სამინისტრო გამოიძიებს. სისხლის სამართლის საქმის მასალები კახის პოლიციიდან ბაქოში უკვე გაითხოვეს. ამის შესახებ კახეთის საინფორმაციო ცენტრის კორესპონდენტი იტყობინება საინგილოდან.
როგორც ცნობილია, კახის რაიონში არსებული ერთადერთი კულტურის სახლი, სამი კვირის წინ, ხანძრის შედეგად მთლიანად განადგურდა. საინგილოში მცხოვრები ქართველების ვარაუდით, შენობა სპეციალურად დაწვეს. აღსანიშნავია, რომ ხანძრის გაჩენის დღესვე, საღამოს, კახის რაიონის პოლიციის უფროსის მოადგილემ დამწვარი შენობიდან პირადად ჩამოხსნა აბრა, სადაც ეწერა, რომ შენობაში ქართული კულტურის ცენტრი ფუნქციონირებდა.
