Peugeot-ს და Citroen-ის მწარმოებელი ფრანგული საავტომობილო ფირმა PSA, ამერიკულ საავტომობილო ფირმა General Motors-ს Opel-ის შესყიდვაზე შეუტანხმდა.

როგორც უცხოური მედია წერს, ფრანგული PSA ოპელს 2,2 მილიარდ ევროდ შეისყიდის, ხოლო General Motors-ი Opel-ს კომპენსაციებისა და ტრანსფორმაციის მიზნით 3 მილიარდ ევროს გადაუხდის.

ოპელის ხელმძღვანელებმა ფირმის თანამშრომლებს ინფორმაცია კომპანის გაყიდვის პროცესის შესახებ პარასკევს აუწყეს, თუმცა სხვა დეტალების თაობაზე არაფერი უთქვიათ.

General Motors-ი უკვე ბოლო 16 წელია რაც ზედიზედ აცხადებს ევროპაში ზარალის შესახებ, ხოლო თვით ოპელს მარტო ვალისა და კომპენსაციის სახით 10 მილიარდი დოლარი აქვს გადასახდელი.

ოპელის შემსყიდველი ფრანგული ფირმა PSA-ს პატრონის, კარლოს ტავარესის განცხადებით ისინი  ავტომობილების წარმოებაში ევროპის ჩემპიონები გახდებიან.

General Motors-მა შეთანხმების შესახებ განცხადება სოციალურ ქსელ Twitter-აც გაავრცელა