განათლების სამინისტრო საექსკურსიო ობიექტების კატალოგის შექმნაზე მუშაობს, სადაც პირველ ეტაპზე 100 ორგანიზაცია იქნება განთავსებული. კატალოგის მიხედვით, სკოლებს საშუალება ექნებათ დაუკავშირდნენ სხვადასხვა ორგნიზაციებს და იქ ექსკურსია-გაკვეთილი დაგეგმონ.
"ჩვენი მიზანია შინაარსიანი ექსკურსია, რომელიც მხოლოდ სანთლის ანთებით და ბარკლის გაჯიჯგვნით არ შემოიფარგლება. იგულისხმება გაკვეთილი და გართობა. ვმუშაობთ პროგრამაზე. ექსკურსია თავისუფალი გაკვეთილის ნაწილი გახდება. გადავიხდით ფულს მასწავლებლის აქტივობაში და არა ბარკლებში. გვექნება მასპინძლების ონლაინ და ბეჭდური კატალოგი, რომელშიც წელს 100 ორგანიზაცია შევა. მომავალ წელს შეიძლება 1000-იც იყოს. სკოლა დარეკავს, რომ კლასი მიჰყავს, ისინი მოემზადებიან. ძალიან მონდომებულია იუსტიცია, ასევე მუზეუმები, თეატრები, სპორტული დაწესებულებები", - ამბობს განათლების მინისტრი ალექსანდრე ჯეჯელავა.