"ვფიქრობ, რომ ეს არის საქართველოს ევროპული გაზაფხული, როდესაც ჯერ ევროპარლამენტმა ერთხმად დაუჭირა მხარი საქართველოს ვიზალიბერალიზაციას, - ამის შესახებ საპარლამენტო უმრავლესობის ლიდერმა, არჩილ თალაკვაძემ განაცხადა.
მისი თქმით, ეს არის სიგნალი, რომ საქართველომ რეფორმებითა და ცვლილებებით დაუმტკიცა ყველას, რომ საქარათველო იმსახურებს ევროატლანტიკურ სივრცეში, უფრო მეტად ინტეგრაციას.
„ეს არ არის ბოლო წერტილი ევროკავშირთან ურთიერთობაში. ჩვენ ვაგრძელებთ იმ საქმის შესრულებას და განხორციელებას, რომელიც მომავალში დაგვეხმარება მოვიპოვოთ უფრო მტკიცე ადგილი, რომელიც საქართველოს ეკუთვნის, დიდ ევროპულ ოჯახში. ვიზალიბერალიზაციის ამოქმედების შემდეგ, თითოეული მოქალაქე, თითოეული ადამიანი, რომელიც ჩვენი ქვეყნიდან გაემგზავრება ევროპაში, კიდევ უფრო მეტად ხდება საკუთარი ქვეყნის ელჩი ევროპაში. ამიტომ მნიშვნელოვანია, რომ ძალიან ფრთხილად პასუხისმგებლობით მოვეკიდოთ იმ დიდ მხარდაჭერას რომელიც ევროკავშირმა საქართველოს გამოუცხადა",- განაცხადა თალაკვაძემ.
