სსიპ - ბირთვული და რადიაციული უსაფრთხოების სააგენტომ, საქართველოს იუსტიციის სამინისტროს მონაცემთა გაცვლის სააგენტოსთან ერთად, რადიოაქტიური ნივთიერებების მიმოქცევასთან დაკავშირებული ნებართვების ელექტრონული პროგრამა შეიმუშავა, რომლის საშუალებითაც ნებართვის მაძიებლებს, პროცედურები გაუმარტივდათ.
ახალი პროგრამის საშუალებით, ნებართვის მაძიებლებს შეუძლიათ სახლიდან გაუსვლელად, ერთი ფანჯრის პრინციპით მიიღონ ნებართვა, ბირთვული და რადიაციული საქმიანობის ლიცენზიის ფარგლებში. ასევე, შესაძლებელი გახდა სანებართვო მოსაკრებლის გადახდა ინტერნეტ და მობაილ ბანკების და ეგრეთწოდებული ფეის ტერმინალბის მეშვეობით.
ელექტრონული ნებართვების პროგრამა უზრუნველყოფს სსიპ. ბირთვული და რადიაციული უსაფრთხოების სააგენტოსა და ბიზნეს სექტორის წარმომადგენლებს შორის ინფორმაციის გაცვლის ეფექტურობას, ბიზნეს სექტორის წარმომადგენლებს საქართველოს ნებისმიერი ქალაქიდან ონლაინ რეჟიმში შეეძლებათ ისარგებლონ სააგენტოს ელექტრონული სერვისებით და მნიშვნელოვნად დაზოგონ დრო და ფინანსური რესურსი.
ბიზნეს პორტალზე შესასვლელად გადადით შემდეგ ბმულზე:
https://www.my.gov.ge/business/Account/index?type=1
