"ძვირფასი პატრიარქი გვყავს, მაგრამ დღეს ეკელსიაში ძალიან გამრავლდა სასულიერო პირები. დაუსჯელობის სინდრომი აქვთ. არ არის შიში. უამრავი სჯულის დარღვევებიცაა",- ამის შესახებ ჭყონდიდის მიტროპოლიტმა, მეუფე პეტრე ტელეკომპანია "რუსთავი 2"-თან განაცხადა.
მისი განმარტებით, კარგი იქნება თუ მამა გიორგი ზვიადაძე მცხეთა-თბილისის ეპარქიაში არსებულ სიტუაციას და სჯულის დარღვევებს მოიკითხავს.
"მამა გიორგი საუბრობს სჯულის დარღვევებზე და მოიკითხოს მცხეთა-თბილისის ეპარქიაში, რომელიც არ არის ჩემი ეპარქია მაგრამ ჩემი გულის ტკივილია. სასულიერო პირების მიერ სჯულის დარღვევა. ყველა ცოდვა, სოდომური ცოდვით დაწყებული, მრუშობის, კორუფციის, ნარკომანიის. ერთ ფატქს მოვიყვან ილიაობის დღესასწაულზე, სამების საკურთხეველში შევნიშნე სასულიერო პირი, რომელსაც ჯვარი ეკეთა. ის რამდენიმე თვის უკან სარფის საზღვარზე ნარკოტიკების გადმოტანისთვის დააკავეს. ქორეპისკოპოსს ვუთხარი, ხომ არ მეჩვენება ამ ადამიანს ჯვარი მართლა უკეთეია-თქო? რომ ჰკითხეს, მან თქვა, რომ დამიჭირეს გამათავისუფლეს, მაგრამ ჯვარი არავის აუხსნია ჩემთვისო. ანუ დაუსჯელობის სინდრომი. ეს მხოლოდ ერთი მაგალითია და უხერხულია ამაზე საუბარი",- განაცხადა მეუფე პეტრემ.