23 თებერვლიდან "საზიზღარი მე"-სა და "მინიონების" შემქმნელები ახალ ანიმაციურ ფილმს - "ზოოსტარი" წარმოგვიდგენენ.
3D ანიმაციური მუსიკალური კომედიის ნახვა მაყურებელს უკვე საქართველოს კინოთეატრებში შეეძლება.
Illumination Entertainment-ის მიერ წარმოებულ ანიმაციურ კომედიას ისეთი ცნობილი მსახიობები ახმოვანებენ, როგორებიც არიან მეთიუ მაკკონაჰი, რიზ ვაიზერსპუნი, სკარლეტ იოჰანსონი, ნიკ კროლი და სხვა. ფილმში მოქმედება ცხოვლეთა ჯგუფის გარშემო ვითარდება, რომლებიც სიმღერის კონკურსში გადაწყვეტენ მონაწილეობის მიღებას.
კონკურსი კი საკუთარი თეატრის გადარჩენის მიზნით კოალას მიერაა ორგანიზებული. ფილმის რეჟისორები კრისტოფ ლოურდელეტი და გარტ ჯენინგსია. ფილმში ცნობილი მომღერლების 60-ზე მეტი კლასიკური სიმღერაა გამოყენებული. ასევე სტივ ვანდერისა და არიანა გრანდეს სიმღერა სახელწოდებით "Faith". მსოფლიოს მასშტაბით მას დადებითი გამოხმაურება მოჰყვა და მალე “ზოოსტარს” ქართველი მაყურებელიც შეაფასებს.
