27 თებერვალს, ღამის 23:30 საათიდან 00:00 საათამდე, ორთაჭალის მიმართულებით მეტეხის გვირაბი გადაიკეტება. როგორც თბილისის მერიის კეთილმოწყობის საქალაქო სამსახურის განცხადებაშია აღნიშნული 00:00 საათიდან 00:30 საათამდე გადაიკეტება მოძრაობა ორთაჭალიდან ბარათაშვილის ხიდის მიმართულებით.
„მიმდინარე წლის 27 თებერვალს, ღამის 23:30 საათიდან 00:00 საათამდე, სარეაბილიტაციო სამუშაოების გამო, გადაიკეტება მეტეხის გვირაბი ორთაჭალის მიმართულებით, ხოლო 00:00 საათიდან 00:30 საათამდე, ორთაჭალიდან ბარათაშვილის ხიდის მიმართულებით.
აღნიშნულ პერიოდში, თბილისის მერიის კეთილმოწყობის საქალაქო სამსახურის დაკვეთით, შპს „თბილსერვის ჯგუფი“ გადამწვარი ნათურების გამოცვლას განახორციელებს.
თბილისის მერია ბოდიშს გიხდით შეფერხებისთვის!“, აღნიშნულია თბილისის მერიის კეთილმოწყობის საქალაქო სამსახურის განცხადებაში.
