ფარულ მოსმენებთან დაკავშირებულ საკანონმდებლო პაკეტზე ომბუდსმენმა შესაძლოა საკონსტიტუციო სასამართლოს კიდევ ერთხელ მიმართოს, - ამის შესახებ უჩა ნანუაშვილმა ჟურმალისტებთან განაცხადა.
მისი თქმით, პარლამენტის მიერ ორი მოსმენით მიღებულ პროექტში კვლავ ნარჩუნდება მთელი რიგი ხარვეზები. ნანუაშვილის ინფორმაციით, მათ ამ საკითხზე არასამთავრობო ორგანიზაციებთან კონსულტაციები ექნებათ.
“მთავარი რაც საკონსტიტუციო სასამართლოს მიერ მიღებულ გადაწყვეტილებაში იყო, არის ის, რომ უნდა შეცვლილიყო არსებული სისტემა. პრაქტიკა, რომლითაც უკანონო მოსმენების კუთხით ადგილი ჰქონდა სამართალდამცავთა მხრიდან, ამის ადგილი აღარ უნდა ყოფილიყო. სამწუხაროდ, პარლამენტში ინიცირებული პროექტით და წარმოდგენილი მოდელით, ეს რისკები კვლავ ძალაში რჩება”, - განაცხადა ნანუაშვილმა.
