2017 წლის 21 თებერვალს საქართველოს ტექნიკური უნივერსიტეტის საჯარო მმართველობის მეორე კურსის სტუდენტებმა, პროფესორ მარიამ ცაცანაშვილი ხელმძღვანელობით, კონსტიტუციური სამართლის პროგრამა პრაქტიკული სემინარით, დაასრულეს.
სემინარის თემა იყო პარლამენტის საკანონმდებლო ფუნქცია, რაც მოიცავდა პარლამენტის იმიტირებული სხდომას, საქართველოს კონსტიტუციის 35–ე მუხლში ცვლილების შეტანის თაობაზე: “სახელმწიფო უმაღლეს სასწავლებლებში განათლებასა და მეცნიერებას სრულად აფინანსებს სახელმწიფო”.
სტუდენტებმა საკუთარი არგუმენტებით დაასაბუთეს ცოდნაზე დაფუძნებული ეკონომიკის პრინციპების განვითარებისათვის ხარისხის უზრუნველყოფის მექანიზმებისა და სახელმწიფო უმაღლესი სასწავლებლების საბაზისო დაფინანსების ახალი წყაროების მნიშვნელობა.
პრაქტიკულ სემინარს დაესწრო: საქართველოს პარლამენტის განათლების, მეცნიერებისა და კულტურის კომიტეტის თავმდომარე, ქალბატონი მარიამ ჯაში, უნივერსიტეტის რექტორი – აკადემიკოსი არჩილ ფრანგიშვილი, უნივერსიტეტის პროფესორ–მასწავლებლები.
გაიმართა დიალოგი განათლებისა და მეცნიერების პრობლემურ საკითხებზე.
პრაქტიკული სემინარის ბოლოს სტუდენტებმა დამსწრე სტუმრებს გააცნეს ახალი ინიციატივა: “კარიერა – ჩემი რაიონიდან იწყება” – ვსწავლობ ჩემი რაიონის საჭიროებებს და ვგეგმავ პრობლემათა გადაჭრის გზებს.
კომიტეტის თავმჯდომარემ მოიწონა პროექტი და აღნიშნა რომ ეს ინიციატივა კომიტეტის პოლიტიკას ეხმიანება: სტუდენტმა თავად დაგეგმოს საკუთარი მომავალი.
უნივერსიტეტის რექტორმა, არჩილ ფრანგიშვილმა ურჩია სტუდენტებს სისტემურად მიუდგნენ თითოეული პრობლემის შესწავლას, რათა გადაჭრის გზები ეფექტური იყოს როგორც მათი კარიერისათვის, ასევე ქვეყნისათვის.