ჩვენ დავაკმაყოფილეთ 13-14 ივნისის სტიქიის შედეგად დაზარალებული მოსახლეობა, - განაცხადა საკრებულოს წევრმა ჯაბა ჯიშკარიანმა საკრებულოში ზვიად ნაზღაიძისთვის მიწის ნაკვეთის გადაცემის განკარგულების ბათილად ცნობის შესახებ მსჯელობისას.
,,მინდა გაგახსენოთ 2012 წელს მომხდარი სტიქია, როცა ხალხი იღუპებოდა თქვენი ლიდერი, პრეზიდენტი მიშა შოპინგობდა მილანის მაღაზიებში. ჩვენ გულთან ახლოს მივიტანეთ და დავაკმაყოფილეთ 13-14 ივნისის სტიქიის შედეგად დაზარალებული მოსახლეობა. შემუშავდა უპრეცედენტოი წესი და დღეს დედაქალაქის მოსახლეობა კმაყოფილია. ჩნდება კითხვა, თუ თქვენ ფიქრობდით რომ ეს იყო უკანონო გადაწყვეტილება, სად იყავით 23 დეკემბერს მიღებული განკარგულების შემდეგ, მაგრამ რადგან ნიკა გვარამიამ დადგა შოუ თქვენც ამის მონაწილენი გახდით და აწყობთ შოუებს, რაც არ გაგივათ“,- განაცხადა საკრებულოს წევრმა ჯაბა ჯიშკარიანმა.