თბილისის საკრებულოს წევრმა ილია ჯიშკარიანმა უმცირესობის წევრ ირაკლი ნადირაძეს ბოთლი ესროლა. საკრებულოს სხდომაზე მოსამართლე ნატა ნაზღაიძის ოჯახისთვის ზარალის ანაზრაურების საკითხზე მსჯელობა მწვავე დაპირისპირების ფონზე მიმდინარეობს.
უმრავლესობამ უმცირესობას პრეტენზიების საპასუხოდ ურჩია, სასამართლოსთვის მიემართა, რაზეც ნადირაძემ უპასუხა, რომ სასამართლო დღეს სანდო არ არის. სწორედ ამან გამოიწვია ილია ჯიშკარიანის გაღიზიანება და მან ნადირაძეს წყლის ბოთლი ესროლა.
როგორც ცნობილია, ოპოზიცია თბილისის მერიას მოსამართლე ნატა ნაზღაიძისთვის ქრთამის სახით მიწის ნაკვეთის გადაცემას ედავება. მათ აღნიშნულ საკითხთან დაკავშირებით დედაქალაქის მერი დავით ნარმანია დღეს საკრებულოში დაიბარეს, თუმცა, ნარმანიამ მისვლაზე უარი განაცხადა
მერიამ დღეს ზვიად ნაზრაიძისთვის ქონების ჩამორთმევასა და ანაზღაურებასთან დაკავშირებით ინფორმაცია კიდევ ერთხელ გამოაქვეყნა.
