თეთრმა სახლმა გამოძიების ფედერალურ სამსახურის რუსეთთან ტრამპის ადმინისტრაციის წევრების კავშირების შესახებ ინფორმაციის გასაჯაროვება მოსთხოვა, რაზეც უწყებამ უარი თქვა. ამის შესახებ ტელეკომპანია „სიენენი“ იტყობინება. ინფორმაცია რუსეთთან ფარული კავშირების შესახებ ამერიკულ მედიაში სისტემატიურად ვრცელდება, რის გამოც თეთრი სახლის ერთ-ერთ მაღალჩინოსანს, მაიკ ფლინს პოსტის დატოვებაც კი მოუხდა. მოსკოვთან ფარულ მოლაპარაკებებში კიდევ რამდენიმე მაღალჩინოსანია ეჭვმიტანილი, რასაც თეთრი სახლი კატეგორიულად უარყოფს.
