27 თებერვალს ასტანა საინვესტიციო ფორუმს - Visit Batumi / Invest in Batumi უმასპინძლებს. ღონისძიება, რომელიც სასტუმრო Radisson Blu Astana-ში გაიმართება, აჭარის ავტონომიური რესპუბლიკის თავმჯდომარის ზურაბ პატარაძის ყაზახეთში ოფიციალური ვიზიტის ფარგლებში გაიმართება.
საინვესტიციო ფორუმში კერძო სექტორის წარმომადგენლებთან ერთად მონაწილეობას რეგონის ფინანსთა და ეკონომიკის მინისტრი, განათლების, კულტურისა და სპორტის მინისტრი და აჭარის ტურიზმის დეპარტამენტის წარმომადგენლები მიიღებენ.
ფორუმის მთავარი მიზანს აჭარის ავტონომიურ რესპუბლიკასა და ყაზახეთს შორის სავაჭრო-ეკონომიკური ურთიერთობების კიდევ უფრო გაღრმავება წარმოადგენს.
ქართული მხარე ფორუმზე ყაზახ პოტენციურ ინვესტორებს დეტალურად გააცნობს საქართველოში ბიზნესის კეთების სიმარტივეს, აჭარის რეგიონის საინვესტიციო და ტურისტულ პოტენციალს და ასევე დეტალურად მიაწოდებენ ინფორმაციას აჭარაში საპრივატიზაციო ობიექტების შესახებ.
