მეუფე დიმიტრის განცხადებით, პატრიარქის დაცვის მთელი შემადგენლობის შეცვლა მოხდა. მისივე ინფორმაციით, სოსო ოხანაშვილი პატრიარქის დაცვის უფროსის თანამდებობას აღარ იკავებს.
„მე რამდენადაც მაქვს ინფორმაცია, მე მგონი გადადგა და მოხდა დაცვის მთელი შემადგენლობის შეცვლა“- განაცხადა მეუფე დიმიტრიმ TV პირველთან სატელეფონო საუბრისას განაცხადა.
პატრიარქის დაცვის უფროსმა სოსო ოხანაშვილმა ცოტა ხნის წინ ჟურნალისტებთან განაცხადა, რომ მიქაელ ბოტკოველმა იცრუა, მოიტყუა, როდესაც თქვა, რომ ის არ იმყოფება საპატრიარქოში.
„მინდა გაცნობოთ, რომ მიქაელ ბოტკოველმა იცრუა, მოიტყუა, როდესაც თქვა, რომ მე არ ვიმყოფები საპატრიარქოში. გერმანიიდან ჩამოსვლის დღიდან მე ვარ საპატრიარქოში და ვასრულებ ჩემს მოვალეობას. ამ დღეებში გავმართავ ბრიფინგს და გაცნობებთ ჩემი გადაწყვეტილების შესახებ. ასევე ვისაუბრებ საქმის ვითარებასთან დაკავშირებით“, - განაცხადა სოსო ოხანაშვილმა.