გარემოსა და ბუნებრივი რესურსების დაცვის მინისტრის მოადგილე ეკატერინე გრიგლავა უკრაინის ეკოლოგიისა და ბუნებრივი რესურსების მინისტრის მოადგილეს მიკოლა კუზიოს შეხვდა.
მხარეებმა გარემოს დაცვის სფეროში საქართველოს, უკრაინასა და მოლდოვას რესპუბლიკას შორის სამმხრივი ურთიერთგაგების მემორანდუმის გაფორმების შესახებ იმსჯელეს.
შეხვედრაზე ასევე, საქართველოსა და უკრაინის მისწრაფებები ევროინტეგრაციის კუთხით და სამ ქვეყანას შორის გარემოსდაცვით სფეროში სამომავლო თანამშრომლობის პერსპექტივები განიხილეს.
ხაზი გაესვა საქართველოსა და მოლდოვას რესპუბლიკას მიერ მიღწეულ პროგრესს “აღმოსავლეთ პარტნიორობის” ინიციატივის პროცესში და აღინიშნა რეგიონული ძალისხმევის მნიშვნელობა ევროინტეგრაციის გაღრმავების მიზნით.