მონიტორინგის ცენტრი ,,მედიატორი" და პარტია ,,ახალი საქართველო" ერთობლივი კვლევის შედეგებს აქვეყნებენ, სადაც საუბარია ხელისუფლებისა და ოპოზიციის წარმომადგენლების ქონებაზე. კვლევის თანხმად, მინისტრები, საპარლამენტო უმრავლესობის და უმცირესობის წარმომადგენლები მილიონობით ლარის დეკლარირებულ ქონებას ფლობენ. დოკუმენტში ნათქვამია ასევე, რომ მმართველი პარტიის 115 დეპუტატიდან 36 მილიონერია.
„ქართული ოცნების“ წევრი დეპუტატების 36-კაციანი სია, რომელთა უძრავ-მოძრავი ქონება 1 მილიონ ლარს აჭარბებს, ასე გამოიყურება:
შოთა შალელაშვილი (34.907.760), იოსებ მაკრახიძე (12.733.919), ბექა ოდიშარია (12.414.270), ლევან კობიაშვილი (9.829.530), კობა ნარჩემაშვილი (7.672.000), ელგუჯა გოცირიძე (6.057.100), ივლიანე წულაია (5.940.000), კახაბერ ოქრიაშვილი (5.940.000), გოჩა ენუქიძე (5.181.800) მახირ დარზიევი (4.771.600), დავით ჭიჭინაძე (4.248.800), თამაზ ნავერიანი (3.982.500), პაატა კვიჟინაძე (3.696.300), რევაზ არველაძე (3.560.916), გრიგოლ მიქელაძე (3.175.940), გოდერძი ჩანქსელიანი (2.835.000), ზაქარია ქუცნაშვილი (2.762.100), ლერი ხაბელოვი (2.543.750), ირაკლი კოვზანაძე (2.491.190), სიმონ ნოზაძე (2.443.500), ვიქტორ ჯაფარიძე (2.296.700), ირაკლი ხახუბია (2.183.100), ისკო დასენი (2.150.060), ნინო წილოსანი (2.074.207), კობა კობალაძე (1.949.400), დავით სონღულაშვილი (1.922.400), მერაბ ქვარაია (1.903.716), გიორგი კახიანი (1.855.116), ლევან კობერიძე (1709900), გელა სამხარაული (1.550.680), ირაკლი აბუსერიძე (1.400.000), ოთარ დანელია (1.359.450), ზაზა ხუციშვილი (1.325.160), სამველ მანუკიანი (1.270.150), აკაკი ზოიძე (1.100.203) და გიორგი ბეგაძე (1.024.920
კვლევის ავტორები მიიჩნევენ, რომ პრობლემას წარმოადგენს ოფიციალური პირების მიერ თანამდებობის ბოროტად გამოყებება და საკუთარი ბიზნეს ინტერესების ლობირება. კვლევის თანახმად, ხშირია ქონებრივ დეკლარაციაში მცდარი ინფორმაციის მითითების ფაქტები.
კვლევიდან ირკვევა, რომ ოპოზიციონერ მილიონერებს შორის პირველ ადგილს ნატო ჩხეიძე იკავებს, რომლის დეკლარირებული ქონება 50 მლნ ლარს აჭარბებს. მილიონერებს შორის არიან "ერთიანი ნაციონალური მოძრაობის" წევრი - კობა ნაყოფია, აგრეთვე ფრაქცია "ევროპული საქართველოს" წევრები - სერგო რატიანი და აკაკი ბობოხიძე. ასევე დამოუკიდებელი დეპუტატი სალომე ზურაბიშვილი.
"საინტერესოა, რომ უმრავლესობის დეპუტატების გარდა, დიდი ალბათობით, ოპოზიციური პარტიის წევრებიც მალავენ უძრავ-მოძრავ ქონებას. სავარაუდო ეჭვი არსებობს რამაზ ნიკოლაიშვილზე, დავით ბაქრაძეზე, გიგა ბოკერიასა და კიდევ რამდენიმე დეპუტატზე, რომლებსაც ქონებრივ დეკლარაციაში ბევრი არაფერი აქვთ მითითებული, არადა, მაგალითად, რამაზ ნიკოლაიშვილის ბიზნესსაქმიანობაზე ბევრია ცნობილი. ასევე, თუ გიგა ბოკერიას დეკლარაციას დავუჯერებთ, მას და მის მეუღლეს ბინა არა აქვთ და მხოლოდ ერთ ავტომობილს ფლობენ. კანონის შესაბამისად, თუ ისინი ქირით ცხოვრობენ, ეს დეკლარაციაში მითითებული უნდა იყოს (ქირავნობის ან იჯარის ხელშეკრულება და გასავალი)",- განაცხადა "მედიატორის" წევრმა სოფო მუზაშვილმა.
მთავრობის დადგენილებით, ქონებრივი დეკლარაციების მონიტორინგი იწყება. 2017 წელს დეკლარაციებს შემთხვევითი შერჩევის პრინციპით, ასევე დასაბუთებული წერილობითი განცხადების საფუძველზე შეისწავლიან. დარღვევის აღმოჩენის შემთხვევაში, თანამდებობის პირი "საჯარო სამსახურში ინტერესთა შეუთავსებლობისა და კორუფციის შესახებ" საქართველოს კანონის შესაბამისად დაჯარიმდება.
