„საქართველოს რკინიგზა“ უახლოეს პერიოდში, Stadler -ის კიდევ 2, ორსართულიან მატარებელს მიიღებს.
„Stadler მინსკის“ დირექტორის ფილიპ ბრუნენის განცხადებით, მატარებლების აწყობა ბოლო ეტაპზეა და ქართული კომპანიისთვის მათი მიწოდება თებერვლის შუა რიცხვებში განხორციელდება.
„საქართველოს რკინიგზის“ საზოგადოებასთან ურთიერთობის სამსახურის უფროსი, დაჩი ცაგურია აღნიშნავს, რომ კომპანია მუდმივად ცდილობს მგზავრებს უკეთესი სერვისი შესთავაზოს და ახალი მატარებლებიც შეძენაც ამ მიზანს ემსახურება.
შეგახსენებთ, ორსართულიანი ევროპული სტანდარტის Stadler Kiss ოთხი ახალი მოდელის ელექტრომატარებლები სს “საქართველოს რკინიგზამ” კომპანია “Stadler Bussnang AG”-გან შეიძინა.
ორი მატარებელი კომპანიამ გასული წლის ზაფხულში მიიღო, რომლებიც თბილისიდან შავი ზღვის მიმართულებით მიმავალ მგზავრებს ემსახურება.
მატარებლები ევროპის ყველაზე მაღალი სტანდარტების მოთხოვნებს აკმაყოფილებს და მათი ტექნიკური მონაცემები სრულად შეესაბამება საქართველოს რკინიგზის მოთხოვნებს.
ქართულ რეალობაში ეს არის პირველი შემთხვევა, როდესაც მატარებელები სრულად მორგებულია შეზღუდული შესაძლებლობების მქონე პირების საჭიროებას.
