საფრანგეთში ვეზულის აზიური ფილმების საერთაშორისო ფესტივალი მიმდინარეობს.
წელს ფესტივალის ფოკუსში საქართველოა.
საერთაშორისო საკონკურსო პროგრამის ჟიურის ერთ-ერთი წევრი ქართველი რეჟისორი რუსუდან ჭყონიაა.
ფესტივალზე ჭყონიას ფილმი "გაიღიმეთ" ტელეხიდის მეშვეობით ერთდროულად 2 ქალაქში, ვეზულში და ბელფორდში აჩვენეს.
კინოფესტივალმა ქართულ კინოს არაერთი ღონისძიება მიუძღვნა. გაიმართა საქართველოს წვეულება და შემდეგი ქართული ფილმების რეტროსპექტივა:
"მაგდანას ლურჯა" (რეჟისორები: თენგიზ აბულაძე, რეზო ჩხეიძე)
"მონანიება" (რეჟისორი: თენგიზ აბულაძე)
"აპრილი" (რეჟისორი: ოთარ იოსელიანი)
"გიორგობისთვე" (რეჟისორი: ოთარ იოსელიანი)
"პასტორალი" (რეჟისორი: ოთარ იოსელიანი)
"რამდენიმე ინტერვიუ პირად საკითხებზე" (რეჟისორი: ლანა ღოღობერიძე)
"დღეს ღამე უთენებია" (რეჟისორი: ლანა ღოღობერიძე)
"სამანიშვილის დედინაცვალი" (რეჟისორი: ელდარ შენგელაია)
"მანდარინები" (რეჟისორი ზაზა ურუშაძე)
"გაიღიმეთ" (რეჟისორი: რუსუდან ჭყონია)
"ძმა" (რეჟისორები: თეონა და ტიერ გრენადეები)
ვეზულის აზიური ფილმების საერთაშორისო ფესტივალი საფრანგეთში ყოველწლიურად 1995 წლიდან ტარდება და იგი აზიური ფილმების კინოფესტივალების საუკეთესო ათეულში შედის.