"რუსთავის აზოტიდან" გათავისუფლებულები აქციებს აგრძელებენ. დღეს პროტესტის მე-16 დღეა. ქარხნის უკვე ყოფილი თანამშრომლების მოთხოვნები უცვლელია. ისინი ხელშეკრულებების გადახედვასა და სამსახურში აღდგენას ითხოვენ.
რუსთავში ჩავიდნენ პროფკავშირთა გაერთიანების წარმომადგენლები როგორც საქართველოდან, ისე სომხეთიდან, ბელარუსიდან და ყირგიზეთიდან. გათავისუფლებულებს სოლიდარობას უცხადებს ინდუსტრიაში დასაქმებულთა გლობალური გაერთიანებაც.
„რუსთავის აზოტის“ ქარხნიდან 350-მდე თანამშრომელი ადმინისტრაციამ გასული წლის დეკემბრის ბოლოს, ახალი დირექტორის დანიშვნის შემდეგ გაათავისუფლა. დათხოვნილი თანამშრომლები საპროტესტო აქციებს პერმანენტულად მართავენ.
ქარხნის მფლობელი დათხოვნილებს 3 თვის განმავლობაში 500-ლარიან კომპენსაციას სთავაზობს, რაც გათავისუფლებულებისთვის საკმარისი არ არის.