ავტობანზე, რუისის მონაკვეთზე მდგომ გარემოვაჭრეებს ტერიტორიის დაცლა და ბაზრობიდან 8 კილომეტრში მდებარე სავაჭრო ცენტრში გადასვლა მოსთხოვეს.
ქარელის გამგეობის წარმომადგენელთა განცხადებით, ახალ ცენტრში სავაჭროდ ყველა პირობაა შექმნილი.
მოვაჭრეები ამბობენ, რომ რუისის მონაკვეთზე, ძირითადად, ურბნისის მოსახლეობა ვაჭრობს, ახალი სავაჭრო ცენტრი კი მოშორებითაა და ყოველდღიურად იქ მისვლა მოუხერხებელია, როგორც მოვაჭრეებისთვის, ისე მყიდველთათვის.
შეკრებილები აცხადებენ, რომ ქარელის მუნიციპალიტეტის წარმომადგენლებმა ვადა საღამომდე მისცეს, წინააღმდეგობის გაწევის შემთხვევაში კი პოლიციის დახმარებით გაიყვანენ.
